A Aula de Historia do Periodismo Diari de Barcelona é unha entidade de investigación e colaboración entre os Estudos de Periodismo da Universidade Pompeu Fabra (UPF) e o Arquivo Histórico da Cidade do Concello de Barcelona, creada no ano 1997 co nome do diario máis representativo da cidade, fundado en 1792.

A Aula Diari de Barcelona reúne cada ano a xornalistas, historiadores, bibliotecarios e arquiveiros nun coloquio sobre hemerografía e patrimonio documental, que abordou xa os temas seguintes: a prensa, documentación histórica en perigo (1998), política hemerográfica en Cataluña (1999), dixitalización de hemerotecas (2000 e 2001), a fotografía de prensa como patrimonio documental (2002) e historia do periodismo: estado da investigación e uso dos fondos documentais (2003). No mes de xuño de 2004 celebrarase o VII Coloquio, que tratará sobre os fondos sonoros. As reseñas destes coloquios publícanse na web da Aula e na revista Treballs de Comunicació da Societat Catalana de Comunicació.

É función da Aula Diari de Barcelona promover a investigación histórica entre os estudantes de periodismo e o traballo conxunto dos investigadores en proxectos de interese común, no marco da colaboración entre os Estudos de Periodismo e o Arquivo da Cidade.